Жаралы сезім 2
2007 жылы шыққан Жаралы сезім фильмі, халық ең көп көрген кинолар қатарына жатады. Сол фильмде ойнаған Арай, Қанат, Сократ, Иван, Боксерлар көрермендердің сүйікті актерларына айналды. Жаралы сезім 2 фильмінде бұрынғы актерлардың барлығы ойнайды. Басты рөлді алғашқы фильмде “папа- папа кетпеші” - деп жүгіріп жүрген 5 жасар Азамат сомдайды. Бүгінде 22 жасқа келген Азамат фильмде синтетикалық наркотик сатумен айналысады. Бірде Азамат полицияға ұсталып, түрмеге түседі. Азаматтың түрмеде отырғандармен қарым-қатынасы ұшығып кетеді. Оған камераластары – сен біздің бауырларымызға, балаларымызға наркотик сатып оларды улап, өмірін қауіпке тігіп жүрген оңбағансың деп қоқан – лоққылар жасап, қысым көрсетеді. Төбелестер болып Азаматты өлімше етіп сабайды, бірақ ол қанша таяқ жесе де беделін түсірмейді.