Келiнжан 3
Әкім парамен ұсталғаннан кейін, орнына кезектен тыс ауыл әкімінің сайлауы өтетін болады. Мәдібек сайлауға қатысамын деп шешім қабылдайды. Мәдібектің өзіне сенімі мол, себебі ауыл тұрғындарының арасында абыройы бар. Оның үстіне өз бизнесін домалатып отыр. Балқия Мәдібектің сайлау алды бағдарламасын сүйсініп тыңдап отырады. Балқия өзінің үлесін қосқысы келіп, Мәдібекке өз ойларын айтады. Мәдібек оны мүлдем қабылдамайды. Соның кесірінен екеуі ұрысып, Балқия қырсығып сайлауға өзі де қатысатын болады. Мәдібек пен Балқияның сайлау алды аггитациялары мен бағдарламалары ауылды еркектер мен әйелдер қылып екіге бөліп тастайды. Айсараның мектеп бітіргеніне биыл жиырма бес жыл болыпты. Соған орай Айсараның сыныптастары ауылда жиырма бес жылдыққа жиналады. Қылышбек Айсарадан бір сынып төмен оқығандықтан, Айсараның сыныптастары Қылышбекке тиісіп, кемсіте береді. Оның үстіне ауылға қайтып келген Айсараның бұрынғы ғашығы әрі сыныптасы Олжас жаңадан әкім болып сайланайын деп жатқанын айтады. Қылышбек пен Олжастың арасында Айсараға деген талас басталады. Асылым өзімді дамытуым керек деп бір коучтың онлайн курсын сатып алып оқып бастаған соң, өзгеріп кетеді. Асқарға ол ұнамайды. Екеуі отбасыда кім биік, кім мықты, кім кімді ыңдауы керектігі жайында қырылады. Соңында үш отбасы да ажырасуға сәл қалып осындай қиындықтардан кейін керісінше ара-қатынастары беки түседі.