10:11, 5 июня

Мемлекеттік рәміздер күніне орай маңғыстаулық 300 спортшы челленджге қатысты

Скриншот из видео

Маңғыстау облысында карате шинкиокушинкай федерациясының спортшылары Мемлекеттік рәміздер күніне орай «Менің туым - менің мақтанышым» атты челлендж жолдады.

Еліміздің туы шетелде екі жағдайда - мемлекет басшысы басқа елге ресми сапармен барғанда және спортшылар жеңіс тұғырынан көрінген кезде көтеріледі. Алты алашты бір мүдде аясына жұмылдыратын - көк ту мен елтаңба. Жүректі тебірентетін - әнұран.

«Әр спортшының асқақ арманы және басты мақсаты – Олимпиада ойындары мен әлем чемпионаттары секілді дүбірлі додаларда өз елінің әнұранын шырқап, көк туымыздың көтерілуі. Бұл айтулы күні челленджге жас спортшыларды қатыстырудағы мақсат - жас ұрпаққа Тудың, Елтаңбаның, Әнұранның қадір-қасиетін насихаттау», деді облыстық карате шинкиокушинкай федерациясының атқарушы директоры Алдаберген Хасанұлы.

Айта кетсек, 1-2маусым күндері карате шинкиокушинкай спортшыларының білімін арттыру мақсатында облыс көлемінде 400-ге жуық спортшы «кю» тест емтиханын тапсырып, белбеулерін көтерді. Айтулы мереке күні Амфитеатр алаңында емтихан тапсырған спортшылар облыстық карате шинкиокушинкай федерациясы атынан марапатталды.

Если вы заметили ошибку, выделите необходимый текст и нажмите Ctrl+Enter, чтобы сообщить об этом редакции

#Новости Актау #спорт